ياصـــاحبي لاهِنتْ ممكن دقايق‎

ياصـــاحبي لاهِنتْ ممكن دقايق
في داخلي ضيقه مهي أي ضيقــــــه

النفــس ماهي نفس والقلب ضــــايق
واغرب خيالي في عيوني حقيقــــــه

غيري بــدون هموم يضحـــك ورايق
ادري بشــر وانواع كــلٍ طريقــــه

احيان اقول إن الفــــرح صار فــــايق
وهو متـــى مافاق شبّت حريقـــــه

بعض البـــشر عادي تـــزوّر حقـــايق
والطـي في هالوقت محدٍ يطيقـــــه

بيـــني وبــين الحظ مليون عايق
متى اشـــوف الحظ يلمع بريقـــــه

ياصـــاحبي محــــتاج منـــك دقإيــــق..
ابيك تعرف داخل القلب ضـيقـــــه